Çend navçeyên parêzgeha Idlib û gundewarê Hema li bakurê rojavayê Sûriyê ji aliyê hêzên hikûmeta Sûriyê ve hatin bombebarankirin û bi tenê li bajarokê Kefrenbul nêzîkî 20 kesan hatin kuştin.

Saziya Kumsipiyan a Opozisyona Sûriyê dîmenên bombebarankirina bajarokê Kefrenbul yê girêdayê Idlibê belav kiriye, ku têde xuya dibe ji ber êrîşan çend xanî wêran bûne/

Saziya Kumsipiyan herwiha daye xuyakirin ku herî kêm 20 kes di êrîşa hêzên hikûmeta Sûriyê bo ser Kefrenbul de hatine kuştin.

Di heman demê de jî, opzoisyonê ragihandiye ku çend bajarokên din ên Idlibê û gundewarê Hemayê jî ji aliyê firokeyên şer ên Artêşa Sûriyê ve hatine bombebarankirin. Ew navçeyên ku hatine bomebarankirin, di bin kontrola çekdarên Desteya Tehrîr el –Şam anku Cebhet el-Nusre ya berê, û çend aliyên opozisyona Sûriyê de ne.

(Wêne: AA)