Komeleya Heqanê Merdiman (ÎHD) derheqê hêrişanê nîjadperestan ê Konya, Semsûr û Anqara de eşkerayî da û vat: ''Hêriş vera nasnameyê kurdan o.''

Şubeyê ÎHDyî yê Amedî derheqê hêrişanê nîjadperestan ê Konya, Semsûr û Anqara de eşkerayîye da. 

Eşkerayayî de vajîya ke 16ê kanûna 2018î de Sakaraya de Kadîr Sakçi semedo ke kurdkî qisey kerdêne ameyo qetilkerdene û lajê ci Burhan Sakçi zî bi giranî birîndar bîyo. ÎHDyî îfade kerd ke Denîze Poyraz zî  raşte hêrişê nîjadperestî de ameya qetilkerdene. Eşkerayî de ame îfadekerdene ke nê hêrişî vera nasnameyê kurdan o.

ÎHDyî da zanayene ke nê hêrişê nîjadperestî bêceza manenê. Goreyê eşkerayîye 2020 de 14 hêrişê nîjadperestî ameyî kerdene û 3ê ci domanî 7 sûrîyeyîjî ameyî qetilkerdene.

ÎHDyî keyeyê Hakîm Dalo ke 21ê temmuze de hetê nîjadperestan ra ame qetilkerdene ra serweşîye waşte û vat: ''Ganî polîtîka û hêrişanê nîjadperestan ra fek vera bêro veradayene, nê kerdişî bêceza nêrê verdayene û tehqîqatê xurtî bêrê kerdene.''