Mehmet Uytuno 16 menge Cizîre de wexto ke verarê dadîya xo de bi kapsulê gazî yê leşkeran gina sereyê ci ro û merd. ÎHDyî da zanayene ke kapsulê gazî ameyo îmhakerdene.

ÎHD: Kapsulo ke dergûş Mehmet pê kişîya, ameyo îmhakerdene!
Mehmet Uytuno 16 menge Cizîre de wexto ke verarê dadîya xo de bi kapsulê gazî yê leşkeran gina sereyê ci ro û merd. ÎHDyî da zanayene ke kapsulê gazî ameyo îmhakerdene.

9ê teşrîna verêne ya 2009î de qezaya Cizîre ya Şirnexî de Mehmet Uytuno 6 menge wexto ke verarê dadîya xo de şit werdêne gazê kapsulo ke hetê çawişê pisporî Hakan Alkanî ra erzîya gina sereyê ey ro. Dergûş Mehmetî serebût de dinyaya xo bedilnaye.

Şubeyê Amedî yê Komeleya Heqanê Merdiman (ÎHD) derheqê dewaya dergûşî de eşkerayîyêke kerde.

ÎHDyî da zanayene ke roniştişê verênî yê dewa de 8ê sibate de waştişê înan bêsebeb ameyî redkerdene. ÎHDyî eşkera kerd ke kêmasîyê dosyaya dewa dewam kenê û înan waşt ke wa nê kêmasîyî bêrê temamkerdene. La mehkeme waştişê înan red kerd.

ÎHDyî pare kerd ke gazê kapsulî serebûtî ra dima hetê hêzanê dewlete ra ameyo îmhakerdene û no 'îmhakerdiş' dosya de bi hawayêkê zelalî nusîyeno.

ÎHDyî vat: ''Na rewşe mojnena ke Tirkîya bêcezaverdayîş resayo kamyew aste. Ma do têkoşînê xo dewam bikerê. Ma venga pêro selahîyetdaran û dezgehanê hukmî danê ke seba vergirewtişê nê peygoşîyan wa mesuldarîyanê xo bîyarê ca.''