Hemserekê ÎHDyî Ozturk Turkdoganî eşkera kerd ke wextê îqtîdarê AKP-MHPyî de serebûtê remnayîşî zêdîyay û vat: ''Tunç û Kuçukozyîgît ça de yê?''

Komeleya Heqanê Merdiman (ÎHD) bînaya xo ya merkeze de derheqê serebûtanê remnayîş û vînkerdişan de kombîyayîşêk viraşt.

Kênaya Huseyîn Galîp Kuçukozyîgîtî Nursena Kuçukozyîgît, amika Gokhan Guneşî Zebeyde Guneş û selahîyetdarê ÎHD û Înîsîyatîfê Heqê tewrê kombîyayîşî bîyî.

Hemserekê ÎHDyî Ozturk Turkdoganî kombîyayîş de da zanayene ke 4 serranê peyênan de xeylêk serebûtê remnayîşî qewimîyayî û pare kerd ke 2019 de Salîm Zeybek, Gokhan Turkmen, Erkan Irmak, Yasîn Ugan, Ozgur Kaya û Mustafa Yildiz 7 mengan pê zorî tepişîyabî. Turkdoganî vat: ''6ê tebaxa 2020î ra nata zî Yusuf Bîlge Tunçî ra xeberêke nêna girewtene ke goreyê îdîayan ameyo remnayene.''

Turkdoganî ard ziwan ke Gokhan Guneşo ke amebi remnayene maruzê îşkenceyî mendo.

Turkdoganî waşt ke cade aqîbetê Yusuf Bîlge Tunç û Galîp Kuçukozyîgîtî bêro eşkerakerdene.