Îhsan Arslanê ku di dewra 22 û 23 em de parlementerê meclisa Tirkiyê ya AKP ê bû û hem di rêvebiriya navenda AKP ê de bû, wî sewqî heyeta dîsplînê kirin da wî ji partiyê derbixin.

Sedema ku wî sewqî dîsîplînê kirine ew e ku di 17 ê vê mehê de, di BBC yê de hevpeyvîneka wî hatiye belavkirin û gotiye “ez difikirim ku ne dûr e em derbasî sîstema parlementeriyê bibin.”

Civîna Navenda Rêvebiriya AKP ê îro civîna xwe çêkir û parlementerê berê Îhsan Arslan sewqî heyeta dîsîplînê ya partiyê bi yekdengî kirin.

Arslan, di hevpeyvîna xwe de tîşkê dixe ser gelek bûyeran û fikrên xwe yên şexsî beyan kiriye. Her weha Arslan behsa pêvajoya çareseriyê jî dike ku AKP dev jê berdaye. Kurekî Îhsan Arslan niha di AKP ê de parlementere.