Merkezê Xeberan

Sereka Heyetê Rayberdişî yê Meclîsê Sûrîyeya Demokratîke (MSD) Îlham Ehmede Parlamentoya Ewropa de kombîyayîşê çapemenîye de qisey kerd. Ehmede veng da hêzanê mîyannetewî ke hêrişê îşxalkarîya Tirkîya vindarnê.

Sereka Heyetê Rayberdişî yê Meclîsê Sûrîyeya Demokratîke (MSD) Îlham Ehmede Parlamentoya Ewropa de kombîyayîşê çapemenîye de qisey kerd û veng da komelanê mîyanneteweyî ke verba hêrişê îşxalkarîye yê dewleta Tirkîya bi berpirsîyarîye tê bigêrê.

Ehmede vist vîr ke înan verba DAÎŞ'î 11 hezar şehîdî û 25 hezar birîndarî dayî û vat: "Beno ke DAÎŞ xo newe ra rêxistin biko."

Ehmede veng da Yewîya Ewropa û Konseyê Asayîşî ya Neteweyê Yewbîyayeyî ke wa herêma ke firdayîşê teyarayanê şerî rê qedexe ya, saz bikê û seba ke huqûqê mîyanneteweyî binpay kerd û Sûrîyeyijan dana koçkerdene Tirkîya rê ceza bike. Ganî rejîmê Sûrîye verba îşxalkarîya Tirkî tewirêko eşkera bimojne.

Hemserekê MSD'yî Rîyad Derarî zî kombîyayîş de qisey kerd û ard ziwan ke DAÎŞ'ijê tepişteyî zaf bitehlûkeyê û beno ke zîndan de sere wedarê, coka hewcedarîya înan hînî zêdêr paştdayîşî rê esta.