Serekê Beledîyeya Îstanbulî Ekrem Îmamoglu do Serekê Beledîyeya Amedî Selçuk Mizrakliyo ke herinda ey de qeyûm ameyo tayînkerdiş reyde roja şeme Amed de bêro têhet.

Vajîyeno ke Serekê Beledîyeya Îstanbulî Ekrem Îmamoglu do roja şeme bêro Amed û Serekê Beledîyeya Amedî Selçuk Mizrakliyo ke serekîya beledîye destê ey ra ameya girewtiş û herinda ci de qeyûm ameyo tayînkerdiş ziyaret bikero

Goreyo ke vajîyeno Îmamoglu do 31ê Tebaxe de bêro Amed û Amed de kombîyayîşê çapemenî organîze bikero. Îmamoglu do Amed de Teşkîlatê CHP yê Amedî zî ziyaret bikero. 

Ekrem Îmamoglu do mezelê Serekê Baroya Amedî yo verên Tahîr Elçîyo ke serra 2015î de bine Mînareya Çarlinge de amebi qetilkerdiş zî zîyaret bikero.

Îmamoglu do dima ra zî şêro Batman û uca de beşdarê veyveyê birarzayê serekê teşkîlatê CHP yê Batmanî Huseyîn Yaşarî bibo.