Berdevka Fona Navdewletî ya Pereyan (IMF) Gerry Rice da zanîn, ku Tirkiyê bi ti awayekî daxwaza hevkariyê ji wan nekiriye û got: "Pêdiviya Tirkiyê bi siyaseteke bihêz a aboriyê û serxwebûna Banka Navendî heye."

 

Rice, diyar kir ku di Makro ekonomî de ji bo aramî û kêmkirina aloziyan siyasetên ekonomîk girîng in û got: "Ji bo Banka Navendî aramiya nirxan pêk bîne divê tam serbixwe be."

 

Demek dibe, ku aboriya Tirkiyê ber bi xirabbûnê ve diçe û lîreyî Tirkî jî li beramber dolarê Amerîkî buhayê xwe ji dest dide.

 

Li gor aborînasan, eger heye ku aboriya Tirkiyê xirabtir jî bibe û daxwaz dikin, ku hikûmeta wî welatî serî li Sindoqa Navdewletî ya Dirav (IMF) bide, lê Enqere dibêje ku ti niyeteke wê ya wiha nîne.