Mihemed Cewad Zerîf got: Pêwîst e Amerîka zanibe, ku ew hogirî siyaseta cezadanê bûye û di baweriya wê de, ku ew ê karibe bi vê siyasetê tevahiya kêşeyan bi awayekî guncayî çare bike.

Herwiha got: Cezayên Amerîkî berî her kesî li dijî welatiyên Îranî ne, wek Hikûmet jî, em ê pêbendî kêmkirina bandora wan cezayan bin û bi tekezî ew cezana wê nikaribin siyasetên me biguherin.

Derbarê helwesta welatên Ewropî Zerîf got: Ev yekem car e, ku welatên  Ewropî, ne tenê bi gotinan, lê bi awayekî piraktîkî jî li dijî cezayên Amerîka li ser Îranê radiwestin û kar ji bo kêmkirina bandora wan li ser Îranê dikin û dixwazin ku beşekî ji ziyanên wan qerebû bikin.