Merkezê Xeberan - Îran de hetê tayn kesan ra vajîyabi ke alkol vîrusê Korona çin keno û bi alkol vîrus nêpereno kesî. Naye ser rotişê alkolê sexteyî bi zêde.

La alkolê sexteyî ra heta nika 73 kesî merdî.

Verfekê qanunanê zanistî yê weşîye ya Ehwaz Cundîşapurî Elî Îhsanpurî ajansê resmî yê Îranî IRNA rê qisê kerd û va, eyaletê Xuzistanî de 6ê Adare ra heta naka 500 kesan ra zêde kesî alkolo sexte şimitê jehr bîyê û nêwaşxaneyan rê muracat kerdê.

Îhsanpurî va: Eyaletê Xuzistanî de alkolê sexteyî ra hetanî nika 46 kesî jehr bîyê û merdê. Pêroyê îranî de alkolê sexteyî ra heta nika 73 kesî merdî. Nê kesî seba ke xo vîrusê korona ra bipawê alkol şimitê.