Piştî ku doh Çavdêriya Mafên Mirovan a Sûriyê (SOHR) ragihand ku komeke çekdar a Sûrî ku bi ser Tirkiyê ve ye, li Qerebaxê dimîne ji Îranê jî bangewazî hat.

Berdevkê Wezareta Derve ya Îranê Seîd Xatîbzade, agirbesta li Qerebaxê wekî gaveke gelekî bibandor nirxand û li ser hebûna çekdarên tundrew (mebest çekdarên ji Sûriyê çûne) ev bangewazî kir:

“Em bang dikin ku komên tundrew bilez ji Qerebaxê werin derxistin. Ti hinceteke mayîna wan tune ye. Dibe ku agirbesta li Qerebaxê aloziyê çareser neke. Lê dîsa jî gaveke bi bandor e.”