Navenda Nûçeyan- Piştî ku sefîra Amerîka li NY, Kelly Craft li ser kirîz û alozîyên navbera Amerîka û Îranê nameyek ji sekreterê giştî yê NY re şand û kuştina Qasim Sulêymanî wek “parastina xwe” bi nav kir û daxwaza danûstandinên bê şert û merc bi Îranê re kir, sefîrê Îranê li NY Mecîd Text Revançî jî nameyek ji Guterres re şand.

Revançî di nameya xwe de gotîye ku ew êrişa mûşekî ya li dijî bingehên serbazî yên Amerîka yên li Iraqê di çarçoveya qanûnên navdewletî de û “parastina xwe” bûye.

Sefîrê Îranê her wiha daye zanîn ku Îran pêbendî aşitî û asayişa navdewletî ye û şer û alozîyê jî naxwaze.