Li gor malpera Mafên Mirova ya Hengawê ragihand, dadgeha bajarê Ûrmiyê, sizaya îdamê da girtiyê Kurd Şakir Bêhrûzî.

Li gorî agahiyan, ew girtiyê Kurd, bi tohmeta endamtî di Partiya Komele ya Rojhilatê Kurdistanê de kiriye û yek ji Supaya Pasdaran kuştiye bi îdamê hatiye mehkûmkirin.

Herwiha tê gotin, Şakir Bêhrûzî, ku xelkê nahiya Dizê ya devera Mirgever ya Ûrmiyê ye, endamê PDKÎ bûye, ne endamê Komele. 7 mehan di nav PDKÎ de maye, paşê çûye teslîmî hikûmetê bûye lê piştî demek kurt hatiye girtin û ew tohmet arasteyî wî hatine kirin.

Ew pasdarê hatiye kuştin jî, ji aliyê hêza bi navê “Teyrên Zagrosê” ve û sala 2018 hatiye kuştin. Navê wî jî Mamil Mihehedî ye.