Iraqê daxwaza du milyon doz vaksîna Koronayê ji Çînê kiriye û Çînê jî amadebûna xwe nîşan daye ku di meha bê de karwaneke din a vaksînê bişîne Bexdayê.

Wezareta Derve ya Iraqê bi fermî kirrîna du milyon doz vaksîna Sinopharm ji Çînê daxwaz kiriye, Çînê jî amadebûna xwe nîşan daye û ragihandiye ku di meha Nîsanê de karwaneke din a vaksînê bişînin Iraqê.

Ev daxwaz bi rêya pêwendiyeke telefonî ya Wezîrê Derve yê Iraqê Fuad Husên ligel hevtayê wî yê Çînî hatiye diyarkirin û herwiha di pêwediya telefonî de bihêzkirina pêwendiyên bazirganî yên navbera herdu welatan û rola kompaniyên Çînê li Iraqê hatiye axaftin.

Roja 2 Adara 2021, yekem karwana vaksînê ji Çînê gihîşe Iraqê ku 50 hezar doz bû, ji wê beşê, 5 hezar doz bo Herêma Kurdistanê hat şandin.