Merkezê Xeberan- Necefî de Protestoyê şarî dewam kenê. Protestogeranê Iraqî roja çarşemeyî Konsolosxaneyê Îranî vêşna. Bi seyan kesan vat ''Îran def bibe''. Şaristan de ame qedexekerdene ke merdimî bivejîyê teberî.

Nika ra verî zî Kerbela de çalakîkeran Konsolosxaneyê Îranî kerdibi hedef. Protestokarî  Îran sey mîmarê sîstemê bertîlî vînenê. Rejîmê Îranî derheqê vêşnayîşê Konsolosxaneyê Îranî de tewirê xo mojna. Vervatoxê Wezaretê Karanê Teberî Mûsavîyî waşt ke vera hêrişkeran tebdîrê qerardarî bêrê girewtene.

 Roja Panşemeyî de zî nawnayîşan dewam kerd. Vêşnayîşê Konsolosxaneyê Îranî ra çend saetan dima Nasirîye de wexto ke hêzanê çekdaran ê dewlete waştêne pirran dest bivisnê 13 çalakîkerî ameyî kiştene. Tewr tay 50 çalakîkerî zî birîndar bîyî û yeno vatene ke rewşa çalakîkeran giran a. Iraqî de 1ê teşrîna verêne ra nat 360 kesî ameyî kiştene û 16 hezar kesî zî birîndar bîyî.