Ame parekerdene ke serra 2021î ra nata Iraq de nêweşîya Kirim-Kongoyî ra 7 kesan dinyaya xo bedilnaye.

Mudirê Herêmî yê Wezîrîya Weşîye ya Iraqî Huseyîn Riyadî AFPyî rê qisey kerd û pare kerd ke wîlayetê Zî Karî de 7 kesan dinyaya xo bedilnaye û rewşa nêweşêkî zî giran a.

Selahîyetdaran îfade kerd ke pêro nêweşê Kirim-Kongoyî sektorê heywankarîye de xebitîyenê. Dîya zanayene ke tewr peyên serra 2022î de kesêk na nêweşîye ra merdo. Zî Kar de zî çimeyê debare heywankarî ya û coka tede potansîyelê nêweşîya Kirim-Kongoyî est o.

Goreyê Rêxistina Weşîye ya Dinya na nêweşîye kerjikan ra derbazê merdiman bena û kesê ke nê na weşîye kewenê se ra 10 ra heta se ra 40ê ci mirenê.

Riyadî eşkera kerd ke Kirim-Kongo çend serrî verî Iraq de peyda bîyo û ê nika nêzanenê ke çend heywanî pê na nêweşîye kewtê.

Serekê Dayîreyê Baytarîye yê Wezîrîya Zîretî ya Iraqî Tamer Habîb Hamzayî zî AFPyî rê dîyar kerd ke wexto ke ê nêweşîye tesbît kenê, seba çinkerdişê kerjikan dermanê mêsan şuxilnenê.

Na nêweşîye Afrîka, Asya, Rojhelatê Mîyanênî, Ewropaya Vakurî û Balkanî de dîyena.