Berdevkê Komîsyona Bilind a Serbixwe ya Hilbijartinan a Iraqê Cumane Gulayî ragihand ku li Herêma Kurdistanê zêdetirî 3 milyon û 600 hezar kes xwedî mafê dengdanê ne.

Cumane Gulayî ragihand ku heta roja çarşema borî 147 hezar û 983 dengdêr hatine nûkirin, ji wan li Hewlêra paytext 60 hezar û 258, li Silêmaniyê 59 hezar û 727 û li Duhokê jî 27 hezar û 898 dengdêr hatine nûkirin.

Her wiha hat diyarkirin ku mafê her welatiyekî ji 18 salî mezintir e ku di hilbijartinan de deng bide. 

Gulayî da zanîn ku zêdetirî 20 hezar ciwanên di sala 2005an de ji dayîk bûne, ji bo dengdanê kartên biyometrîk ên dengdayînê dane.

Hilbijartinên Parlamentoya Kurdistanê ku ji 111 kursiyan pêk tê, dê di 25ê Sibata 2024ê de bên kirin.