Navenda Nûçeyan- Îro 22 Çileya 2020 e. 74 sal berê û roja 22 Çileya 1946 li bajarê Mehabad yê Rojhilatê Kurdistanê, pêşewa Qazî Mihemed û hevalên wî li meydana Çarçira ya Mehabadê Komara Kurdistanê ragihandin.

Temenê Komara Kurdistanê tenê 11 meh bû, ji ber ku piştî vekişîna hêzên Sovyetê ji Îranê, artêşa wê demê ya Îranê êrişî Kurdistanê kir û Komara Kurdistanê jî hilweşîya. Serkomar Qazî Mihemed û çend hevalên wî hatin bidarvekirin.

Kabîneya Komara Kurdistanê bi vî rengî bû: 

Serok: Qazî Mihemed

Serokwezîr: Hacî Babe Şêx

Wezîrê Şer: Seyfî Qazî

Wezîrê Navxwe: Mihemed Emîn Muînî

Wezîrê Aborî: Ehmed Îlahî Wezîrî

Wezîrê Post û Telegraf: Kerîm Ehmedîyan

Wezîrê Çand: Menaf Kerîmî

Wezîrê Propaganda: Sidîq Heyderî

Wezîrê Kar: Xelîl Xusrewî

Wezîrê Bazirganî: Hacî Mistefa Dawûdî

Wezîrê Çandinîyê: Mehmûd Welîzade

Wezîrê Rêk û Piran: Îsmaîl Îlxanîzade

Wezîrê Tenduristîyê: Seyîd Mihemed Eyûbîyan

Wezîrê dewletê: Ebdulrehman Îlxanîzade

Wezîrê Dadê: Mela Husên Mecdî

Paytext: Mehabad

Dirav: Rîyalê Îranê

Her sal bi helkefta damezirandina Komara Kurdistanê, çalakîyên cur bi cur li tevahîya Kurdistanê tên lidarxistin û salvegera damezirandina Komara Kurdistanê tê bibîranîn.

Armanca Komara Kurdistanê ew bû ku di çarçoveya Îranê de kurd bigihên mafên xwe yên rewa.