Qezaya Riha Xalfetî de 28 kesê ke 12 rojî verê cû hetê polîsan ra ameybî tepiştiş ewro vejîyê mehkema.
 

Sek zanîyeno Xalfetî de hedîseya kişyayîşê 2 polîsan ra pey 58 kesî ke tede gede û cinî zî etsbî ameybî tepiştiş û hewşê qereqole de înan rê îşkence amebi kerdiş.
 

Hewteyo verên 23 kesan ra 22ê xo serbest ameybî veradayîş. Ewro zî 28 kesan ra 13 kesî hetê mehkema ra amê tewqîfkerdiş û erşawîyay hepisxane.
 

Kesê ke amê mehkema behsê îşkenceya ke înan rê bîya kerdê û pêro zî vatê bi zorê polîsan îfadeyê înan amo girewtiş û îmzakerdiş.
 
Welatî Celal Ercan, Celal Yildirim Cindî Zîncîrkiran, Fatma Alakuş, Gazaley Alakuş û Zekî Alakuş vanî: Ma çend rojîyo ke nezaretxane de îşkence dîyo. Polîsan hetêk ra ma rê heqeret kerd hetêk ra da ma ro.
 

Gazaley Alakuş vana ke, Polîsan qereqole de mi rê îşkence kerd. Bi cop û paskulan da mi ro. Ceyran da leşa mi. Hîna zaf çî kerdê la ez şermîyena tîya de vajî.