Merkezê Xeberan - Serekwezîrê Îspanya Pedro Sachezî seba vîrusê Korona (Covid-19) Rewşa Îstîsnayîye îlan kerde. Sanchezî pare kerd ke asta krîzî ra ê mecbur mendî ke tebdîranê îstîsnayîyan bigêrê û eşkera kerd ke şewa şemeyî ra heta 2 hewteyan ê temamîya welatî bigêrê karantîna.

Sanchezî vat ê do têna seba şîyayîşê karî, hêrînayîşê derman û nêweşxaneyî destûr bidê hemwelatîyan ke keyeyî ra bivejîyê.

Goreyê xebera Reutersî, Wezaretê Karanê Zereyî yê Îspanya qerar da ke hêzanê polîsan kontrol bikero.

Îspanya de heta nika 5 hezar û 232 nêweşê Korona ameyî tesbîtkerdene. Goreyê hûmaranê ke heta nika ameyî eşkerakerdene Îspanya de 133 kesî Korona ra merdî.