Îsraîl cardin gef li Sûriyê xwar
Wezîrê Enerjiyê yê Israîlê Yuval Steinitz ragihand, heger Hikûmeta Sûriyê careke din rê bide Îranê, ku ji axa Sûriyê êrîşî Israîlê bike, dibe ku Israîl Rêjîma Sûriyê bixîne û serokê wê Beşar Esed bikuje.
A+A-
Wezîrê Israîlî diyar kir, ku heya niha welatê wî destwerdan di şerê Sûriyeyê de nekiriye, lê heger rêjîma Sûriyê rê li ber Îranê veke ku êrîşî Israîlê bike, wê demê wê Israîl rêjîma Esed jinav bibe.
Li gorî malpera Sputnik a Rûsî, berî niha jî artêşa Israîlê gef li Serokê Sûriyê kiribû û gotibû: Heger Îran bi riya Sûriyê nêzîkî berjewendiyên Israîlê bibe, wê Esed bixwe ji ser nexşeya cîhanê bê rakirin.
Berî niha jî, şêwirmendê Rêberê Îranê ji bo karûbarên navnetewî Elî Ekber Wîlayetî gotibû: Êrîşa Israîlê li ser bingeha T4 a serbazî li Sûriyê, ku di encamê de gelek şêwirmendên serbazî yên Îranî hatin kuştin, tawanek e û bê sizadan derbas nabe.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin