Çapemeniya fermî ya Hikûmeta Sûriyê diyar kir, Îsraîlê, şeva borî bi mûşekan êrîşî çend pêgehên derdora Şamê kir û di encamê de kesek hat kuştin, 3 kesên din jî birîndar bûn.

Li gor ajansa Reutersê jî, sîstema berevaniya esmanî ya Sûriyê li navçeya Elzubdanî ketiye kar û li rojavayê Rîf a Şamê li hember wê êrîşa esmanî ya Îsraîlê bersiv daye.

Rewangeha Mafên Mirova ya Sûriyê jî da zanîn, di wê êrîşa şeva borî ya Îsraîlê de, sîstema berevaniya Sûriyê û milîsên ser bi Îranê bûne armanca êrîşê.

Tora medyayî ya El Erebiye jî diyar dike, Îsraîlê êrîşî ser nahyeya Elnebî Habîl ya ser bi Elzubdanî kiriye.

Zanyarî destnîşan dikin, balafirên Îsraîlê li esmanê Lubnanê pêgeheke leşkerî ya li navçeya Elzubdanî, ku hemsînore û nêzîkî axa Lubnanê ye kiriye armanc.

Heta niha di derbarê êrîşê de artêşa Îsraîlê tu daxuyanî, raport û zanyarî belav nekiriye.