Iraq de seba ke hukmato newe nêronîyeno alozîye dewam kena. Îstîfayê wekîlanê Têgêrayîşê Sadrî hetê Serekê Parlamentoyî Mihemed Helbûsîyî ra ameyî qebulkerdene.

Iraq de 2021 de weçînayîş amebi kerdene la hukmato newe hema zî nêronîya. Alozîya welatî ya sîyasîye her roje bena giranêr. Wekîlanê Têgêrayîşê Sadrî vengdayîşê lîder Mukteda Es Sadrî ser o bi hawayêkê komkî îstîfa kerd.

Îstîfayê wekîlanê Têgêrayîşê Sadrî vizêr hetê Serekê Parlamentoyî Mihemed Helbûsîyî ra ameyî qebulkerdene. Wina pawîyeno ke nê îstîfayan ra dima weçînayîşê 2021î bêro betalkerdene.

Hetê bînî ra îstîfayanê wekîlanê Sadrî ra dima serkêşîya Malîkîyî de Koordînasyonê Şîîyan bire daye ke bi lezî kombîyayîşêkî bikero.