Temsîllkarê Amerîka yê Sûrîye James Jefifreyî aşkera kerd ke, Iraq û Sûrîye de tehdîdê Dewleta Îslamî (DAIŞ) dewam keno.

James Jeffreyî derheqê terorîstanê DAIŞî de qisê kerd û va: Kurdî Sûrîye de oraxê ma yê. Jaffreyî wina va: DAIŞ dir mucadele de ortaxa ma Hêzê Sûrîya Demokratîke (HSD) ya. Ma nêwazenê wa HSD zerar bivîno û ma qebûl nêkenê ke wa ti kes înan rê hêriş biko.

James Jeffreyî aşkera kerd ke, Serek Trumpî bi hawayêko zelal vato ke, ê sozê xo ser o vindenê û gere ti kes hêrişê ortaxanê înan nêkero.

Jeffreyî da zanayîş ke înan û Tirkîya Sûrîye de meseleya herêma asayişine ser o pê nêkerdo û mabênê înan û Tirkîya de diyalog dewam keno.

Jaffreyî derheqê çekdarê DAIŞî êyê ke nika destê HSD de êsîr ê de zî qisê kerd.

Temsîlkarê Amerîka da zanayîş ke nika destê HSD de 10 hezar çekdarê DAIŞî estê û înan ra 8 hezarê ci Sûrîye û Iraqij ê. Jeffreyî va: Ma plan kenê ke çekdarê DAIŞî ê Sûriyeyijan veje mehkema ver.