Hevserokê Şaredariya Qersê yê berê Ayhan Bîlgen ê ku niha girtî ye, di peyamekê de ragihand ku li Tirkiyê pêwîstî bi raman û şêwazeke nû heye.

Bîlgen li ser hesabê xwe yê Twitterê ev peyam belav kiriye û gotiye: “Li Tirkiyê pêwîstî bi raman û şêwazeke nû heye. Divê bingeha vê ya rewşenbîrî û civakî bê afirandin. Îhtimala vê ya veguhertina bo partiyeke siyasî, girêdayî eleqe û îmkanan e.”

Bîlgenê ku di çarçoveya “Lêpirsîna Kobaniyê” de girtî ye, berê jî rexneyên tund li Partiya Demorkatîk a Gelan (HDP) girtibû.

Bîlgen di rexeneyên xwe de amaje bi vê yekê kiribû ku HDP Tirkiyebûneke berevajî dijî û mezinbûn di pêvajoya çareseriyê de mayînde hesibandibû û vê yekê jî wek serkeftineke şexsî nirxandibû.

Ayhan Bîlgen dema hevserokê şaredariya Qersê bû ji kar hatibû dûrxistin li cihê wî qeyûm avêtibûn ser şaredariya Qersê.