Ajansa nûçeyan ya Reutersê ji zarê Neteweyên Yekbûyî (NY) ragihand ku ji jiber şerê li Ukrayna pirtir ji 6,5 mîlyon kes ji cîhên xwe derketine.

NY ew agahî di ser raporeke Rêxistina Navneteweyî ya Koçberîyê (IOM) ragihand ku wê rêxistinê ew xebat di navbera 9 û 16’ê Adarê de hazir kiribû.

Li gor raporên sazîyên navneteweyî ji destpêka şerê Ukrayna û Rûsya ve 3,3 mîlyon kes ji Ukrayna derketine.

Karbidestên IOM’ê dibêjin ku ew hejmar ji texmînên wan zêdetir derketine.

Ew karbidest dîyar dikin ku jiber dijwarîya şer wan nekarîye alîkarîyê bigêhînin hin herêman.

IOM dide zanîn ku piranîya kesên koçber bûne mîna ducanîyan, zarokan û kal û pîran bêparastin in û bo sîvîlan banga vekirina korîdorên însanî dike.