Kompaniyên dabînkirinê li Fransayê diyar dikin, ziyanên ku ji bo tamîrkirina ziyanên xwepêşandanên van demên dawî yên Fransayê derketiye holê, ji 600 milyon Euroyan zêdetir e.

Kompaniyên dabînkirinê li Fransayê diyar dikin, ziyanên ku ji bo tamîrkirina ziyanên xwepêşandanên van demên dawî yên Fransayê derketiye holê, ji 600 milyon Euroyan zêdetir e.

Îro Sêşemê 11ê Tîrmeha 2023an, Serokê Yekîtiya Kompaniyên Dabînkirinê yên Fransî di daxuyaniyekê de ragihandiye, pereyên ku ji bo tamîrkirina ziyanên xwepêşandanên van demên dawî yên Fransayê derketiye holê û divê bidin, 650 milyon Euro ye.

Herwiha Serokê Yekîtiya Kompaniyên Dabînkirinê yên Fransî eşkere kir ku %10ê wan ziyanan, ziyanên takekesî ne û pêwendî bi otomobîlên welatiyan heye.

Roja 27ê Hezîrana 2023an, Nahel M. yê 17 salî li Nanterre ya Parîsê bi hinceta ku guh nedaye hişyariya polîsan bi guleyan hat kuştin û piştî wê bûyerê xwepêşandanên nerazîbûnê dest pê kirin ku li gelek bajarên Fransayê belav bû.

Di xwepêşandanan de li bajarên Marsîlya, Lyon, Toulouse, Strasbourg û Lille jî di nav de avahî û wesayît hatin şewitandin û dikan hatin talankirin.

(K24)