Navenda Nûçeyan - Di daxuyanîya sazîya keşûhewayê ya herêmê de hat dîyarkirin ku li Erzingan, Îdir, Qers, Erdexan, Erzerom û Agirî hewayê kêmewrayî û ewrsayî sayî dibe û bi şev jî dê cemed çêbibe.

Li herêmê germahîya hewayê dê bi qasî 4-5 pileyan li gor demsalê zêde be, ji alîyê başûr ve ba dê rabe.

Li herêmê bi şev germahîya hewayê ya herî kêm li Erzinganê di binê sifirê de 2 pile, li Agirîyê di binê sifirê de 13, li Qersê di binê sifirê de 9, li Erdexanê di binê sifirê da 7 pile, li Erzeromê di binê sifirê de 5 pile, li Îdirê jî di binê sifirê de pileyek hat pîvandin.

Tê pêşbînîkirin ku bi roj germahîya hewayê dê li Îdirê û Erzincanê 17, li Erdexanê 13, li Qersê 10, li Erzeromê 9 û li Agirîyê jî 6 pile be.

Stûrîya berfê li navendên xweşiqitandinê ya Erganê 82, li Palandokenê 78 û li Cibiltepeyê jî 70 santim hat pîvandin.

Rayedarên sazîya keşûhewaya herêmê ji bo cemed û aşûtê hişyarî dan welatîyan ku bila baldir bin û bê tevdîr nemînin.

Li Agirîyê mij û serma

Li Agirîyê ji ber mij û sermayê welatî zehmetîyê dikşînin.

Li bajar mija şev dest pê kir serê sibê bandora xwe zêde kir. Şofêran bi zehmetî otomobîlên xwe ajotin.

Bi taybetî li ser rêya Agirî û Îranê mij pir zêde bû û mesafeya dîtinê heta 5 metreyên kêm bû.

Rûdaw