Wezareta Derve ya Amerîka daxuyaniyek belav kir û ragihand ku wezîrên derve yên Amerîka, Fransa, Almanya, Îngîltere, Misr, Urdin û Erebîstana Siûdî li New Yorkê civînek pêkanîne û daxwaz ji NY kirine ku li Sûriyê ji bo proseya siyasî pêngavên pêwîst biavêje.

Di wê daxuyaniyê de hat gotin ku wezîrên her 7 welatan tekezî li ser wê kiriye ku ji bo çareserkirina qeyrana Sûriyê pêwîstî bi dîplomasî û îradeyeke navdewletî heye û wiha hat gotin, “Li Sûriyê çareseriyeke Leşkerî çênabe û alternatîfa çareseriya siyasî nîn e. Ew aliyên ku li pey çareseriyên serbazî ne tenê dibin sedema zêdebûna alozî û kurbûna krîza li wî welatî.”

Herwiha wan welatan daxwaz ji Netewên Yekgirtî kir ku ji bo destûra nû ya Sûriyê û derbasbûna qonaxa siyasî komîteyeke destûrê pêk bîne.