Bi îdiaya “endamtiya rêxistinê” derbarê rojnamevan Ayşegul Dogan de doz hatibû vekirin û dozger ji 7 salan heta 15 salan ceza rê xwest. 

Danişîna pêncemîn a doza bi îdiaya “endamtiya rêxistinê” derbarê rojnamevan Ayşegul Dogan de li Amedê hatibû vekirin li Dadgeha Cezayê Giran a 9’emîn a Amedê hat lidarxistin. Dogan bi îdiaya beşdarî xebatên KCD’ê bûye tê sûcdarkirin. Dogan beşdarî danişînê nebû û parêzerên wê Mehmet Emîn Aktar û Ahmet Ozmen beşdarî danişînê bûn. 

Dozger biryara xwe derbarê dozê de eşkere kir û xwest ji sûcê “endamtiya rêxistinê” ji 7 sal û nîvan heta 15 salan cezayê hepsê lê were birîn. 

DAXWAZA PARÊZERAN RED KIR 

Parêzerên Dogan parastina miwekîla xwe kirin û diyar kirin ku ew ê derbarê biryara dozger de paşê bi hûrgulî parastinê bikin û xwestin ji bo delîltiyê tapeyên telefonê yên di dosyeyêk din de ne bînin li dosyeya miwekîla wan were zêdekirin û lê bê guhdarkirin. 

 Şandeya dadgehê daxwaza parêzeran a derbarê tapeyên telefonê de red kir û ji bo amadekirina parastina parêzeran danişînê 7’ê çile kir.