Ji Îtalya û Fransayê biryarên Jenosîda Ermanan
Hikûmeta Îtalyayê, reşnivîsa peşnîyarî ya Meclîsa Nûneran a Îtalyayê ku tê de daxwaza naskirina Qirkirina Ermenan dihate kirin, pesend kir. Fransayê jî roja 24ê Nîsanê weke 'Roja Bîranîna Jenosîda Ermenan' ragihand.
Li gor nûçeya DW Turkçeyê, li Meclîsa Nûneran a Parlamentoya Îtalyayê, reşnivîsa ku daxwaza naskirina bûyerên 1915an weke Qirkirina Ermenan dihat kirin, hat pesendkirin. Biryar, ne xwedîyê erkeka hiqûqî ye.
Di reşnivîsê de daxwaz tê kirin ku Qirkirina Ermenan bi awayekî fermî were naskirin û di qada navneteweyî de dengvedanek encam bide.
Di dengdanê de 382 parlamenterên Îtalî yên ji partîyên desthilat û opozîsyonê, dengên 'erê' dan û Serokwezîrê berê Silvio Berlusconî û 43 ji partîya wî jî dengên dûrepezîyê dan.
Biryar, ji alîyê hiqûqê ve ne xwedîye erkeka sepandinê ye.
FRANSAYÊ 24Ê NÎSANÊ WEKE 'ROJA BÎRANÎNA JENOSîDA ERMENAN' RAGIHAND
Li alîyekî din Serokomarê Fransayê Emmanuel Macron jî, biryarnameya ku 24ê Nîsanê weke Roja Bîranîna Jenosîda Ermenan radigihîne, îmze kir û biryarname di rojnameya fermî de hat weşandin.
Firansayê di sala 2001ê da, bûyerên 1915an weke 'jenosîda Ermenan' nas kiribû.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin