Farmandarê Giştî yê Hêzên Sûriyeya Demokratîj (HSD) Mazlûm Kobanî, li ser êrîşa Heşda Şeibî ya bi ser Liqa 5 a Partiya Demokrata Kurdistanê (PDK) ya li Bexdayê peyamek belav kir û nerazîbûna xwe nîşan da.

Farmandarê Giştî yê HSDê Mazlûm Kobanî  derbarê bûyera duh Şemiyê 17ê Cotmeha 2020an a şewtandina Liqa 5 a PDKê ya li Bexdayê û Ala Kurdistanê de li ser hesabê xwe yê twîtterê bi daxuyaniyekê nerazîbûn nîşan da.

Mazlûm Kobanî  li ser hesabê xwe yê twitterê got: “Bi sed hezaran xortên gelê Kurd li Herêma Kurdistanê ji bo axa xwe ji terorê rizgerbikin, aramiyê avabikin û ala xwe bilind hildin şehîd bûne.”

Farmandarê Giştî yê HSDê herwiha tekez dike ku “Ji bo nîşandan û derbirîna nakokiyên siyasî Şewitandina al û sembol û baregehan, ne rê û şêwazêke şaristanî ye. Divê pîrozî û sembolên gelan bên parastin û ew kesên ku rêgezên bi hev re jiyanê binpêkirine bên cezakirin.

Hejmarek ji alîgirên Heşda Şeibî duh Şemî 17ê Cotmeha 2020, êrîşî avahiya Liqa 5 a PDK ya li Bexdayê kirin û şewitandin.

Di dîmenên vîdyoyî yên dema êrîşê de, tê dîtin ku alîgirên Heşda Şeibî, ji bilî şewitandina baregeha PDKê, Ala Kurdistanê jî dişewitînin û flamaya Heşda Şeibî li ser avahiyê bilind dikin.