"19ê Meha Temuzê me nûçeya ku bavê hunermendê Kurd Şivan Perwer çûye ser dilovaniya xwe bihîst. Em weke Partiya Demokrata Kurdistanê - Tirkiyê (PDK-T)  bi vê nûçeyê gelekî xemgîn bûn û ji dil û can em sersaxiyê ji malbata Şivan Perwer re dixwazin, sebir û aramiyê ji dost û hevalên malbatê re hêvî dikin. İnşeleh cihê vî bavê cefakar bibe bihuşt.

Bê vê boneye em PDK-T rewşa hunermendê hêja Şivan Perwer careke din di ber çavan re derbas dikin û bibir tînin ku hunermendê hêja nikaribû serdana dayik û bavê xwe bike. Ev rê li ber hatibû girtin. Şivan Perwer nikaribû biçe ser gora diya xwe û weke hemû kesan fatihayeke li ser dayika xwe bixwîne. Navê vê bûyerê zulm e, xedr e, ne mirovahiyê ye. Rewşa Şivan Perwer di rastiya xwe de rewşa miletê kurd di der. Zulm û zordariya li ser miletê kurd beriya her tişt ji bê dewletbûna kurdan xwîna xwe digire. Heke kurd ji weke miletên cîran xwedî dewleta xwe bûna, wê ew zulm û zordarî ewqasî tof nebûya.

Em yên ku bûne sersebebê vê yekê şermezar dikin û careke din sersaxiyê ji malbata Şivan Perwer re dixwazin.

Partiya Demokrata Kurdistanê- Tirkiyê-Navend

19 07 2018"