Rex Tillerson îro Sêşemî di gotara xwe de ya li Willson Centerê, derbarê pêwendiyên Amerîkayê û Ewropayê de axivî. Tillerson, pêwendiyên navbera Tirkiye, NATO û Îranê jî nirxand û daxwaz ji Tirkiyê kir, ku di pêwendiyên xwe yên ligel Îranê de ewlehiya welatên Hevpeymaniya NATOyê li ber çav bigire.

Tillerson her wiha got; Îran û Rûsya nikarin wê qazanc û mifaya aborî û siyasî pêşkêşî xelkê Tirkiyê bikin, ku endambûna di welatên rojava de pêşkêşî Tirkiyê dike.

Tillerson sekna Trump ya li ser Îranê jî nirxand û got êdî tenê rêkevtina etomî ya welatên 5+1 û Îranê, xala siyaseta Waşingtonê li hember Tehranê nabe, belku ew pabend in bi destnîşankirina hemû gefên Îranê.