Serokê Hevpeymaniya Siyade ya Sunî li Iraqê Xemîs Xencer, îro 19ê Îlonê peyameke bi Kurdî belav kir û bal kişand ser alîkarî û piştevaniya gelê Kurd a sala 2014an li dijî terora DAIŞê.

Xencer got, “Em helwesta gelê Kurd a serederiya birayane û mirovane li hember Suneyan di sala 2014an de, qet ji bîr nakin û bilind dinirxînin.”

Serokê Hevpeymaniya Siyade ya Sunî Xemîs Xencer, di peyama xwe ya Kurdî ya li ser hesabê xwe yê medya civakî Xê de got: “Ew pêşwazî li bîra me ye ku birayên me li Herêma Kurdistanê di sala 2014an de, xwedîtî li bi milyonan Erebên Sune kir, yên ku ji ber terorê û kiryarên leşkerî aware bûbûn. Ew pêşwazî bi biryareke mirovî û dîrokî ya birayê me Mesûd Barzanî bû.”

Xemîs Xencer da zanîn: “Em helwestên gelê Kurd ji serederiya wan a birayane û mirovane bi kesûkarên me yên aware re diparêzin û rêzê lê digirin û her dem behs dikin.”

Xencer got: “Nabe hesabên berteng ên partîtiyê û destkeftiyên partîtiyê di ser wan nirxên exlaqî û helwestên şerefmendane de bin û divê di serederîkirina me ya hemû pirsan de, çarçoveya yek niştîman xala destpêkeke serekî be.”

PeyamaKurd