Navenda Nûçeyan - Êvara roja çarşemê 10.06.2020an Wezareta Tendiristuyê di daxuyanîyekê de aşkere kir di wê ragehandinê de hatîye, li berdewamîya pişkinînan û gerîyanê  li dû gumanlêkirîyan û berketîyan 8 berketîyên nû yên vîrusa Koronayê COVID-19 li rêveberîya Raperînê hatine destnîşankirin.

Herweha hatîye ragihandin 6 kes ji wan berketîyan mêr in û 2 kes jê jî jin in. Dû berkevtîyên ne û 6 kes jî nîşaneyên nexweşîyê hene. 5 berketî rûniştvanê qezaya Pişder/Qelladizê ne û 3 kês jê jî rûniştvanên Ranyayê ne.

3 berketîyên din yên vîrusa Koronayê ya nû COVID-19 li parêzgeha Duhokê hatine destnîşankirin. Ew 3 kesên berketîyên nû endamên yek malbatê ne ku zilamekê temen 36 salî, jineka temen 33 salî û zarokeke temen 15 salî ne. Herwiha xelkê parêzgeha Duhokê ne.

19 berketîyên din yên vîrusa Korona ya nû COVID-19 li devera Germîyane hatin destnîşankirin. Ew kesên berketîyê 13 ji wan mêr in û 6 kes jê jî jin in. 18 kes ji wan rûniştvanên nav qezaya Kelarê ne û yek jî rûniştvanê nav bajarê Silêmanîyê ye.

31 berketîyên din yên vîrusa Korona ya nû COVID-19 li parêzgeha Silêmanîyê hatine destnîşankirin. Ew kesên berketîyê 18 kes ji wan mêr û 10 kes jê jin 3 kes jê jî zarok in.

10 berketîyên din yên vîrusa Korona ya nû COVID-19 li parêzgeha Hewlêrê hatine destnîşankirin. Ew kesên berketî 10 kes ji wan mêr in û yek jî jin e. 9 berketî xelkên nav bajarê Hewlêrê ne, 1 Çoman û 1 jî rûniştvanê Celewla ye.