Kampa Holî de hucreyanê DAÎŞî hêrişê hêzanê HSDyî kerd 2 şerwanan dinayay xo bedilna.

HSDyî bi eşkerayîyêka nuştekîye da pêhesnayene ke bîn şewe Kampa Holî de mabênê hêzanê înan û çeteyanê DAÎŞî de pêkewtişê giranî qewimîyayî û 2 şerwanê înanê ke bi giranî birîndar bibî, şehîd bîyî.

Eşkerayîye de nê ameyî vatene: 2ê înan cinîyî 7 çeteyanê DAÎŞî kerd ke kampe ra biremê.  Hêzanê Asayîşê Zereyî pîya bi paştdayîşê hêzanê ma mudaxale kerd. Terorîsto ke dormeyê ci ame girewtene adir kerd embazanê  ser ra. Hêzanê ma zî çarçeweya xopawitişê meşrûyî de cewab da pêkewtiş qewimîya.  Pêkewtiş de çeteyêkê gincê cinîyan kerdbî piray ame kiştene û 2ê înan cinîyî 6 çeteyî ameyî tepiştene. 2 çekê AK-47 û yeleğe bombaya ganî ameyî destfînayene.

Hêzê ma heta ke hemle ser bikewo û şarê kampe terorê hucreyanê DAÎŞî ra bêro xelisnayene do paştî bido Hêzanê Asayîşê Zereyî. Merkezê Çapemenîye û Îrtîbatî yê HSDyî do peyra nasnameyê şehîdan eşkera bikero.