Kampa Holî de cinîyanê DAÎŞî cinîyêk recm kerd
Kampa Holî de Fatime Abdulellaha Pakîstanije (50) seba ke goreyê qaîdeyanê DAÎŞî tênêgêraye hetê cinîyan ê DAÎŞijan ra ameye recmkerdene.
A+A-
Merkezê Xeberan- Kampa Holî ya Hesekê de gefê DAÎŞî dewam keno. Kampe de 71 hezar kesî manenê û înan ra 40 hezar kesî keyeyê DAÎŞijan ê.
Ame vatene ke kampe de meyîtê Fatime Abdulellaha Pakîstanije ya 50 serre ame dîyene. Ame zanayene ke Fatima seba ke goreyê qaîdeyanê DAÎŞî tênêgêraye hetê cinîyan ê DAÎŞijan ra ameye recmkerdene.
Selahîyetdarêkê kampe îfade kerd ke gerreyêk ser o cade ê têgêrayî wexto ke cinîyan nimitikî meyîtê Fatima defin kerdêne serebût ame eşkerakerdene.
Selahîyetdarêkî vat ke cinîyanê DAÎŞijan kampe de mehkema DAÎŞî nanê ro û dima ke kesan hukm kenê înan qetil kenê. Ame vatene ke kesê ke goreyê qaîdeyanê DAÎŞî nêciwîyenê benê hedefê cinîyanê DAÎŞijan.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin