Qezaya Kanîreşî ya Çewlîgî de firteneyê tozî serê qeza girewt.

Qezaya Kanîreşî ya Çewlîgî de firteneyê tozî qeza girewte binê tesîrê xo.Temamîya qeza binê tozî de mende û wesayîtî tozî ra bîyî lêşin.

Hemwelatîyanê Kanîreşî ard ziwan ke înan verî vera firteneyê vewre têkoşîn kerdêne û vat: ''Ewro zî firteneyê tozî est o. Ma nêeşkenê pancera abikerê. Seke ma hê herre boye kenê.''

Selahîyetdaran vera firteneyê tozî merdimî hişyar kerdî.

Heto bîn Firteneyê tozî ke şewa 23ê gulane hetê Sûrîye ra resa Dêrsimî, şaristan girewt binê tesîrê xo. Hemwelatîyî seba ke binê tesîrê tozî de nêmanê kewtî zereyê keyeyanê xo. 

Koyê şaristanî zî binê tozî de vînî bîyî. Selahîyetdaran bi taybetî nêweşê tengnefesî û astimî hişyar kerdî ke wa keyeyanê xo ra nêvejîyê.