Navenda Nûçeyan- Îro 26.11.2019 heyeta PAK û PSK ku ji Mîrza Akar, Serhat Amedî û Yilmaz Yildiz pêkhatibû li parlamentoya Danîmarka yê bi parlamenterên Partîya Sosyalîst ya Gel-SFê ku ji parlamenter Helîme Oguz, Charlote Broman Molbek, cîgirê seroka giştî Serdal Benlî pêkhatibûn re, bi taybetî di derbarê doza girtina herdû partîyên PAK û PSK yê û bi giştî rewşa Kurdistanê hevdîtinekî têr û tijî pêk anîn.

Di hevdîtinê de heyeta PSK û PAKê agahdarîyên berfireh yên di derbarê doza girtina partîyên xwe ku ji alîyê dewleta Tirkîyê ve li hember wan hatîye vekirinê û bi giştî di derbarê rewşa ku Kurdistan tê de ye dan heyeta SFê û paşinê guhdarîya wana kirin.

Herdû heyet li ser şopandina dozê û rêze karen pratîkê guftûgo kirin. Û ji bo pêkanîna hinekî karên pêwist biryar hatin girtinê.

Bi pêşwazîyekî germ û bihevre kêşana wêneyan civîn qedîya.

Rûpelanû/Danîmarka