Komeleyê Kultur Huner û Edebîyat a Cinîyan kultur û hunerî de rolê cinîyan ser o panelêk da.

Panel Beyoglûyê Îstanbûlî de Merkezê Kulturî yê Mezopotamyayî de ame viraştene. Panelî de xebatanê kultur û hunerî de rolê cinîyan ame qiseykerdiş. Moderatorîya panelî hetê Zeyşan Ateşe ra ameye kerdene.

Sey panelîstan, Salîha Ayata û Şîlan Dora beşdar bîyê.

Rolê Merkezê Kulturî yê Mezopotamyayî

Hêverî Şîlan Dora qisey kerde û vate, “Ez zî xebatkarê Mkmyî ya. Sey Mûsa Anterî, Feqî Huseyîn Saxniçî ma zî mîyanê na xebate de ca girewt. MKM xeylê paştî da hunerê Kurdan. Kurdî ameyê Îstanbûl û tîya de bi saya MKMyî kultur , huner û ziwanê x ora dûrî nêmendê. MKM seba cinîyan zî bîyê sitargehêk. Koma Asmîn 1997î de ameye ronayene. Cinîyan tîya de tena hunerê xo nêda, înan ziwan û kulturê xo zî pawit.

Ewro wazenê vengê Kurdan bibirnê. La ma do timûtim xxo ver bide.”

‘Cinî mîrazê kultur û hunerî ya’

Ronayoxa KASEDî Salîha Ayata vate, “Eke ma biewnê tarîxê hunerî ra, ma vînenê ke cinîyî tim bîyê mîrazê hunerî. Tarîx û edebîyatê Kurdan de zî wina yo. Wextê verên yê MKMyî de temsîlîyetê cinîyan zeîf bi la badê na rewşe ameye bedilnayene. Ma bi ronayîşê KASEDî waşt wa cinîyî vengê xo hîna berz bikerê. ma nika vînenê ke huner û kulturê Kurdan raştê hêrîşan yenê. Konser û tîyatroyî ameyê qedexekerdiş û xebatkarî erzîyayê hepsan. La reyna zî ma xoverdayîşê x ora fek ranêverda û ma do nêverdê zî.”

MA /