Bi beşdarîya Hetkarê Serekê Pêroyî yê PAKî (Partîya Azadîya Kurdistanî) Kasım Ergunî Almanya de konferansêk ame dayene.

Komela Leer Hevaltî, bajarê Almanya Leer de konferansêk tertîp kerd û mêmanê Konferansî Hetkarê Serekê PAKî Kasim Ergun bi.

Konferans de babetanê rewşa konjokturel a Kurdistanî û weçînayîşê 31ê Adare ser o ame qiseykerdiş.

Kurdê ke bajarê Leerî de manenê eleqeyêka weşe nîşanê konferansî day.

Kasim Ergunî qisêkerdişê xo de behsê Îtîfaqê Welatperwer û Demokrato ke kewtbi weçînayîşê 31ê Adare kerd û wina va “ Îtîfaqo ke mabênê partîyanê Kurdistanî de ameyo ronayîş muhîm o. La tena îtîfaqkerdiş bes nîyo. Bi rastî hema zaf problemê ma estê. Ez eşkena vajî karê ma zehf zo û zehmet o.”