Navenda Nûçeyan- Ji roja ku Tirkî êrîşî Rojavayê Kurdistanê kirîye ve liv û çalakîyên kurdên Ewrûpa nesekinîne.

Serokê Tirkîyê Erdogan gefên xwe yên li hemberî Rojavayê Kurdistanê bi berdewamî dubare dike û neyta xwe ya dagirkirina herêmê û valakirina wê ji kurdan bi tu awayî naveşêre.

Berpirsên kurd jî bang li gel dikin da çalakîyên xwe dewam bikin û dîyar dikin ku ev piştgirî dibe beşekî girîng ê berxwedanê.

Bi vê amancê sibê jî li seranserê cîhanê çalakî têne lidarxistin. Tê çaverêkirin ku di xwepêşandana Stockholmê de çendîn sîyasetvanên swêdî jî beşdar bibin û daxuyanîyan bidin.

Parlamenterê Sosyaldemokrat Kadir Kasirga dibêje êrîşa Tirkî ya ser Rojavayê Kurdistanê kurd mecbûrî gav paşdeavêtinên eskerî kirine. Lê di warê dîplomasiyê de derîyên nû ji kurdan re vedike û ev yek li Swêd jî tê dîtin.

Ji bo hepveyvînê li rapora dengî guhdarî bike!

Çavkanî: Sveriges Radio