Raporta Parlamentoya Ewropa Katî Pîrî  wazena wa Tirkîya biba welatêko demokratîk û seba ke bieşka biba welatêko demokratîk gere heme heqanê Kurdan bido.

Katî Pîrî bajarê Den Haagî yê Hollanda de kesê ke semedê wedaritişê tecrîdî greva vêşanî de yê zîyaret kerd.

Katî Pirî uca de qiseykerdişêk kerd û va “Ma demêk verî şîy Diyarbekir û Mêrdîn û ma uca de îxlalê heqan û talankerdişê bajaranê Kurdan cayê ci de teftîş kerd. Semedo ke wa Tirkîya biba welatêko demokratîk xebatê ma dewam kenê.”

Raporta Parlementoya Ewropa ya Tirkîya Katî Pîrî wina vana “Gere Tirkîya biba welatêko demokratîk û seba ke bieşka biba welatêko demokratîk lazim o  heme heqanê Kurdan bido.”

Raporta Yewîya Ewropa ya Tirkîya Katî Pîrî newe ra namzeta endamtîya Parlamentoya Ewropa ya. Katî Pîrî vana “Eke ez newe ra bêra weçînayîş ez do semedê demokrasî û heqanê merdiman mucadele bikera.”