Xwendekara Kurd Esra Al a ji bajarê Mûşê yê Bakurê Kurdistanê ku li Almanyayê dijî,  ‘Xelata Zanyarê/a Ciwan a Salê’ ya Komeleya Psîkofîzyolojiyê wergirt.

Keça Kurd Esra Al ji Beşa Genetîk û Biyolojiya Molekûler a Zanîngeha Bilkentê bi yekemînî der çûye.

Xwendekara Kurd ku niha li Enstîtuya Max Planck a Zanista Mêjî û Mirovên Kongnîtîf xebatên xwe berdewam dike û ji bo doktoraya  beşa norolojî li Dibistana Mêjî û Zihnê ya Berlînê namzed e.

Esra Al ligel hempîşeyên xwe du mekanîzma diyar kirin ku qelbê mirov çawa bandorê li ser mêjî û têgihiştinê dike.

Hat zanîn ku Esra Al li ser vê xebata xwe Xelata Zanyara Ciwan a 2020an li Almanyayê wergirt ku ew xelat her sal ji aliyê Komeleya Psîkofîzyolojiyê ya Alman ve tê dayîn.