Kemal Kurkuto ke Newroza Amedî de hetê polîsanê tirkan ra amebi qirkerdene serê gorê xo de ame yadkerdene.

Kemal Kurkut Newroza Amedî ya 2017î de bi guleyê polîsêkî amebi qetilkerdene. Serrgêra 5. ya qirkerdişê ci de Kurkut serê gorê xo de qezaya Betalgazî ya Meletî de ame yadkerdene.

Yadkerdiş de kemano ke Kurkutî tira zaf hes kerdêne ronîya serê gorê ey ser. Keyeyê Kurkutî, Wekîlê HDPyî yê Êlihî Mehmet Ruştu Tîryakî beşdarê yadkerdişî bîyî.

Dadîya Kurkutî Sîncane Kurkut serê gorê lajê xo de bi kurdkî lorikî vatî.