Bajarê Kerbela yê Iraqî de seba yadkerdişê Hezretî Husênî û êyê ke ci reyde ameyî şehîdkerdene çalakîya Roja Aşureyî ameyebî viraştene. Verê hewizî de îzdihamêko gird virazîya û îzdiham ver 31 kesî merbî û bi seyan kesî zî birîndar bibî. Bajar de seba kesê ke îzdiham de merdbî 3 rojî şîn ame îlankerdene.

Goreyê beyanatê nuştekî yê Walîyê Kerbelayî talebê Walî Nesif el Gutabî ser û tesdîqkerdişê Serekê Iraqî Adil Abdulmehdî ra dima seba kesê ke îzdiham de merde 3 rojî şîn ame îlankerdene.

Badê hedîse Serekê Iraqî Adil Abdulmehdî şi bajarê Kerbela û cayê hedîse de cigêrayîş kerd. Abdulmehdî dima ra şi nêweşxane û birîndarî zîyaret kerdî.