Merkezê Xeberan- Bexdad û şaristananê bînan ê Iraqî de protestoyê ke vera hukmatê Bexdadî yenê kerdene dewam kenê. Protestoyî kewtî roja pancine û vizêr şewe zî têmîyanbîyayîş vejîya.

Ame zanayîş ke, vizêr şewe hêzanê asayîşî Kerbela de hêrişê protestokaran kerd. Goreyê xeberan mûdaxaleyan de çekî ameyî xebitnayene û netîce de 18 kesî merdî.

Roniştoxê Bexdad û Necefî zî vizêr şande meydanan de bîy. Hêzanê asayîşî Bexdad de bi bombayanê gazî hêrişê nawnayîşkeran kerd û Necef de zî heman alozîye vejîye meydan.

Goreyê bîlançoyê fermî 1'ê teşrîna verêne ra nat tewr tay 240 kesî ameyî kiştene.