Xeta petrolî ya Kerkûk-Ceyhanî  ke petrolê Herêma Kurdistanî bena Tirkîya de, têdima teqayîşî bî. Netîceyê teqayîşan de şewatêko xidar vejîya.  

Çimeyêkê asayîşî yo ke ajansê Reutersî rê qisey kerd va, şewat dewa Ayn Cehşî de vejîyayo û qasê 70 kîlometre başûrê Mûsilî de yo. Gorê selahîyetdaran şeş teqemenîyê ke bi destan amê hadrekeridş têdima teqîyayê û dima ra zî şewat vejîyayo.

Goreyê eynî çimeyî şewatê xeta petrolî dewêka pabesteya wîlayetê Nînova de vejîyayo û hetê îtfaîyekaran ra ameyo tefênayîş.

Sewqkerdişê petrolê wîlayetê Kerkûkî yê Başûrê Kurdistanî yê ver bi Tirkîya, referandûmê xoserîye ra dima bi îşxalkerdişê herême,  serra 2017’î de vindertibi. Teşrîna Peyêne ya parî de, netîceyê pêkerdişê hukmatê Bexda û îdareyê hukmatê Herêma Kurdistanî de sewqîyatê petrolî newe ra dest pêkerdibi.