Kerkuk de şarê Kurdî rê hem zulum beno, hem mal û milkê înanî talan beno hem zî hêgayê înan yenê vêşnayîş.

Dewa nehîyeya Daqûqî yê Başûrê Kurdistanî de citkarê ke waştê adiro kewt hêgayanê înan hona bikerê rastê hêrişê çekdarî amê.

Hêriş de kesêk ame kiştene xeylê kesî zî birîndar ê. Şewa bîne desan donim xele û cewê citkaranê Kurdan nehîyeya Daqûqî ya Kerkûkî de ame vêşnayene.

Qaso ke ame zanayîş citkarê ke waştê adir hona bikerê rastê hêrişê çekdarî amê. Netîceyê hêrişî de xortêko kurd bi namê Herdî Saman Mihemed (28 serre) ame kiştene û 9 kesî zî birîndar bîyî.

Xeylê wexto ke dorûverê Kerkukî de hêgayê Kurdan dîyenê adir ver û yenê vêşnayene. Kesê ke Kerkuk îdare kenê zî bêveng ê û nê çîyan rê mudaxele nêkenê.